Kiberməkanda e-təhsil fərdin əldə etdiyi biliklərin sorğu, analiz, sintez baxımından dəyərini daha da artırır. Ənənəvi təhsildən fərqli olaraq informasiya texnologiyaları təhsil aktorlarının rollarını dəyişdirir. Belə ki, e-təhsildə hər bir aktiv iştirakçı davamlı öyrənən, təhsil mühitini layihələndirən və inkişaf etdirən dinamik bir üzvdür. Burada söhbət həm də demokratik təhsil, çoxyönümlü iştirak, bərabər mövqe və qarşılıqlılıq prinsipindən gedir. E-təhsil qloballaşma fenomeni olaraq təhsil sisteminin bütün digər sahələrində olduğu kimi, idarəetmə məsələlərində də keyfiyyət dəyişikliklərinə gətirib çıxarır (səh.50-54).